பாலா இயக்கத்தில் வெளியான நந்தா திரைப்படத்தில் லொடுக்கு பாண்டி கதாபாத்திரத்தின் மூலம் பிரபலமானவர் கருணாஸ். பிதாமகன், வில்லன், யாரடி நீ மோகினி, வசூல் ராஜா.எம்.பி.பி.எஸ், பொல்லாதவன், திண்டுக்கல் சாரதி, அம்பாசமுத்திரம் அம்பானி போன்ற படங்களில் நடித்துள்ளார்.
திருவாடானை தொகுதியில், 2016ம் ஆண்டு சட்டமன்ற தேர்தலில் போட்டியிட்டு வெற்றிபெற்றார். அதன் பிறகு படங்களில் நடிக்கவில்லை. தற்போது மீண்டும் கருணாஸ் சினிமாவிற்கு வருகிறார். சூர்யா நடிப்பில் ஜல்லிக்கட்டை மையமாக வைத்து வெற்றிமாறன் இயக்கும் படம் வாடிவாசல். கருணாஸ் இப்படத்தில் உதவி இயக்குனராக பணிபுரிகிறார்.
இதுகுறித்து கருணாஸ் கூறியதாவது:
“கிராமிய கானா பாடகராக இருந்த எனக்கு பெரிய அடையாளத்தை தந்தது சினிமாதான். தாய் மொழியான தமிழ் சினிமாவில் முழுநேரமும் பயணிக்க வேண்டும் என்று இப்போது நான் முடிவெடுத்துள்ளேன். அதன்படி வெற்றிமாரனிடம் உதவி இயக்குனராக பணிபுரிய உள்ளேன். கடைசி வரை கற்றுக்கொள்வதுதான் சினிமாவின் சிறப்பு. என்னை தன்னுடன் இணைத்துக்கொண்ட வெற்றிமாரனுக்கு என்னுடைய நன்றி. ராமருக்கு ஒரு அனில் இருப்பதை போல் இந்த வெற்றி அணியில் வெற்றிமாரனுக்கு நானும் ஓர் அணிலாக மாறப்போகிறேன்” என்று கூறினார்.
By: Hari
